Tuesday, April 8, 2014

I SIETTE NA SAKRAMENTON GUINAIYA

Wedding of Pedro & Maria Nauta, 1947

Talak hiyong gi bentanå-mo
Ya un ekkungok yo’ kerida mia
Ya bai hu kantåye hao på’go
nu i siette na Sakramento siha.

I finene’na i bautismo.
Hu tungo’ na esta hao matakpånge,
Tinakpånge hao as påle’
Sa’ guiya yo’ sumangåne.

I segundo konfitmasion.
Hu tungo’ na esta hao ma konfitma.
Guåho lokkue’ i na’ån-ho
Gi korason-mo bai hu fitma.

I tetset i penitensia.
Esta yo’ kumonfesat gi as påle’
Na hågo ha’ guinaiya-ko
Hågo ha’, kerida, båle.

I kuåtto i Santa Komunion
Nai un resibe i tataotao i Saina.
Un dia un chåhlao yo’ para asaguå-mo
Ya hågo para guåho må’gas na raina.

I kinto i Santos Oleos
annai ma palai i kumekematai.
Guåho lokkue’ siempre ma oleos  
Sa’ sin hågo chaddek yo’ måtai.

I mina’ sais i pumåle’.
Ni ngai’an para bai ma otdena.
Lao si påle’ hit  siempre ha na’ danña’;
I dinañå'-ta kalan fitme na kadena.

I mina’ siette i matrimonio.
Guiya på’go et mås malago’-ho.
Pinto’ Yu’us na hågo bai asagua
Ya bai kumple este na matago’-ho.

Pues estague siha i Sakramento
Ni ginen i Saina nai man pine’lo
Lao entre siha este ha’ malago’-ho
I åras, aniyo yan belo.

~~~Tinige' Påle' Eric


ENGLISH

THE SEVEN SACRAMENTS OF LOVE

Look out from your window
and listen to me my love
and I will sing to you now
about the seven Sacraments.

The first is baptism.
I know you are already baptized.
You were baptized by the priest
because he himself told me.

The second is confirmation.
I know you are already confirmed.
My name as well
I will write on your heart.

The third is penance.
I have already confessed to Father
that you alone are my love,
you alone darling are worthy.

The fourth is Holy Communion
when you receive the Body of our Lord.
One day you will take me as your husband
and you will be for me an exalted queen.

The fifth is Holy Anointing,
when they anoint the dying.
I, too, will be anointed
because without you I will quickly die.

The sixth is ordination.
I will never be ordained.
But Father will join us together,
our union like a strong chain.

The seventh is matrimony.
Now that is what I most want.
It is God's will that I marry you,
and I will accomplish this, my task.

So these are the Sacraments,
which were established by the Lord.
But among them this only do I want :
the coins, ring and veil.*

* A Spanish tradition continued among Chamorros is the blessing and exchange of coins, symbolizing the husband's promise to provide for the family, and the veil which goes over both bride and groom (her head, his shoulder) symbolizing their unity.

No comments:

Post a Comment